Shikari Bano, Bhikhari Nahi...

support@brainsinger.com send us mail.

FAQ

Lovers (free members) aur Followers (paid members) mein kya furk hai ?

Yaha do tarha ke accounts hai. Free aur Paid accounts. Free account holders ko LOVERS kaha jata hai kyuki wo utsuk hein, prem karte hein, ana chahte hein. Paid account holder ko FOLLWERS kaha jata hai kyuki wo ab chalne ko tyaar hai, wo judna chahte hai.

Lovers wo Lectures sun sakte hai jo free hein.

Lovers  followers dwara puchhe gye sawaalo aur dusre followers dwara diye gye jawaabo ko ask questions mein padd sakte hai. chahe to jawaab bhi de sakte hai par wo jawaab pehle approve hone jayega.

Lovers seedha MOM se baat karne ke liye call booking se apni call appointment book kr sakte hai.

Lovers mom’s quotations par comments kar sakte hai.

Dusri taraf

Followers ko kai suwidhaye hai jaise wo Ask question mein apna sawaal likh sakta hein.

Followers  apne vichar aur ladki patane ya pati ko khush rakhne ki koi new trick website ki follower’s post  par share kar sakte hai. Dusre followers comment mein usko apne vichar bata sakte hai

Followers Live seminar mein ticket book kar sakte hai.

Followers ko call booking par morning time aur call appointment charges mein Less milegi.

Follower banne ke liye plans 3 tarha ke hein .

3 months

6 months

12 months

aap koi bhi plan chuniye. sabme apko barabar adhikaar milenge. eksaath ek saal ka subscription lene se baar baar subscription renewal ki tension nhi rehti. lekin students aur financial problem se guzar rahe log 3 month ya 6 months ki subscription lekar sabhi suvidhaye kuchh samay k liye le sakte hai.

 

Matka Ganana Kya Hai, Isse samjhne ka tareeka kya hai ?

Matka Ganana ko twisted story telling ki paddhati se pesh karte huye, ussi mein saari siddhiya  (Ganesha siddhi, Kaali siddhi, Hanuman siddhi etc.) mila di gyi hai. ab pehle ki terha ek – ek siddhi ki alag alag classes nahi hai. Matka Ganana ko shuru karne ka maksad he yahi hai ki alag alag bikhri huyi Gyan kakshao ko ek dhage mein piroya jaye…

Isse sunne ka tareeka bus yahi hai ki iske saath chalo.  jaise jaise lectures atte jayenge apko kahani agge badhti nazar ayegi… aur jabtak ye puri nahi hogi isme kayi mod ayenge. kai tooti huyi kadiyan judengi … kahani mein itne twists hai ki Salaah di jati hai ki pehle dhyaan se saare lectures sunne aur dherya se samjhe – fir sawaal puchhe. ho sakta hai aap jo puchh rahe hai uska jawaab already Lectures mein ya website par pehle he diya ja chuka ho aur jyada sambhawna ye hai ki apko baad mein samjh aa jayega . fir bhi aap sawaal puchhne ke liye swatantra hein.

Khaas baat ; Matka Ganana koi short course nahi hai, ki apko jaldi jaldi sab samjh mein aa jayega aur results bhi milne lagenge.  ye dheema hai aur dheema he chalega. lekin ye apke ooper nirbhar hai ki aap kab kitna samjhte hai.

1 years mein kitne lectures milenge ?

Aap chahe 3 month ki subscription le ya fir 1 year ki, Lectures apni alag speed se aate hai, kabhi jaldi aur kabhi deri se. apki subscription seedhe tor par Lectures kharidne jaise nahi hai, Wo to apko 3 month ki subscribtion mein bhi pichhle sabhi mil jate hai.  aap jo 3,6, ya 1 year ki subscription lete hai wo bus MOM ke saath jude rehne ke liye hai. unse phone par baat karne ya live seminar mein hissa lene aur personal meeting jaise fayde uthane ke liye hai, Lectures to aate rehte hai.

Dusri taraf Jo log lpurani classes ena chahte hai .. jaise shikari bano yani how to become a highly trained playboy type ki . wo kripya dhyaan de ki wo purane tareeke the, tab shayad MOM kisi aur tareeke se seekhate honge, fir waqt bita. samaj aur soch badli,  WO kai anubhuvo se guzre honge.. ashiqon ki baaten sunna aasan hai kya ?  Bus isiliye unhone matka-ganana ki shuruaat ki. jisme sabhi purani classes aur jo kamiya unhone students mein notice ki , unhe kya pehle seekhna chahiye, kya dhyaan mein rakhna chahiye  ?  aisi baaton ko samjhte huye WO apne tareeko mein badlaaw karte rehte hai. Lekin aap jo doondte huye yaha aaye hai wo sab matka ganana mein hai ! koi bhi sidhhi ho ya koi bhi busness trick aur shikari bano bhi.

Aabhi matka-ganana he sabkuchh hai. isme new lectures apni speed se aate rahenge. Aap lecture posting ki dates dekhkar andaza laga sakte hai. Kabhi ek saal mein 8 Lectures bhi aa jate hai kabhi bus 4 -5 .

Lectures ki gehraaee napi jati hai.

 

Live Seminar Kya hai ?

Seminar mein lecture nahi hote, Lectures alag chiz hai.  Seminar mein log MOM ke paas baithkar Kuchh baatein karte hai MOM bhi unke sawaalo ke jawaab dete hai. wo aam baat chiz jaisa hota hai. seminars mein MOM non stop twisted story telling Paddhti se nahi bolte.

Call Booking Kaise Kaam Krti Hai ?

Agar aap mom ke available time mein se koi time chunkar baat karna chahte hai to aap kar sakte hai. aapko call book karni hai aur uske baad apko email ya sms ke zareeye wo Phone Number provide karwaya jayega jispar apko Nirdharit samay par call karni hai. Hamari taraf se apko phone call nahi ayega.

Aur uss phone number par bina call booking ke aane wale calls receive nahi kiye jayenge.

Call appointment mein apko koi training nahi di jayegi bus apko apki problem se niklne ya aage apko kya karna chahiye uske baare main bataya ja sakta hai. call booking halki fulki salah lene ya jaisa ki jyadatar log karte hai, mom se baat karne, unhe sirf thanks kehne ya bus unki awaaz sunne ke liye jyada istemal ki jati hai. call appointment mein  aap kuchh bhi puchh sakte hai , aap apni koi bhi, kisi bhi terha ki problem discuss kar sakte hai. jaise Sasural mein apki chhavi kharab hai ya office mein koi aashiq pareshan karta hai, ladki ke saath baat ek he jagah par ruki hui hai ya kuchh bhi … kisi bhi kism ki problem ho aap bejhijhak baat kar sakte hai. wo baat apke aur guruji ke bich he rahegi.

Behtar hoga ki call appointment par baat karte samye aap apne sawaal likhkar rakhe, aksar mom se baat karte huye log bhul jate hai ki wo puchhna kya chahte the.

Sahi samay par call kare aur apko milne wale 40 min. ka pura istemaal kare. deri se call karne ya call appointment miss karne par Na koi refund hoga aur nahi extra time milega.

Apko kuchh mahino mein he samjh mein aa jayega ki yaha sab kaise chalta hai.

Ask Question Kya hai ?

Ask question mein aapke sawaalo ke jawaab baki ke members denge. wo apne anubhawo aur lectures ke adhar par apko answer denge. Mom kabhi – kabhi kisi Question ka jawaab de sakte hai, ye unki marji par nirbhar hai.

Kya Purane Lectures ya Online Classes ab Nahi milegi ?

Yaha sab aisa he hai. MOM kisi chiz ko shuru karte hai aur jab unhe thik lagta hai tab wo usse band kar dete hai… aisi kai chize hai jo shuru huyi thi, aur jis maksad ya jaankari ke liye usse shuru kiya gya tha wo milne ke baad usse rokk diya gya. Aage bhi aisa ho sakta hai. aab Matka Ganana shuru hui hai, puri hone ke baad log aakar puchenge Ab matka Ganana Nahi chal rahi ?

Apko ye samjhna hoga ki MOM apne tareeke se chalte hai. itne saalo mein kabhi nahi laga ki wo kisi khaas strategy ko follow kar rahe hai. bus itna hai ki wo jo shuru karte hai usse pura karte hai .

Rahi baat purane lectures ki to wo sabhi hamare YouTube channel par available hai . aisa koi lecture ya audio/video  nahi hai jo chhupakar rakha gya ho. Pehle recording kum ki jaati thi. jyadatar classes live he hoti thi.  tab followers kum the, ab jyada hai. tab sawaal kum the, ab jyada hai. isiliye Matka Ganana ki shuruwat ki gyi hai taki Puraani classes ko Nayi society ke hisaab se advance tareeke se pesh kiya ja sake.

 

Agar hum Seedha MOM se sawaal puchhna chahe to kya kare ?

aap apne sawaal kahi bhi kaise bhi puchh sakte hai. MOM lagbhag har chiz khud padenge. aisa he pichhle 4-5 saalo se chal raha hai, wo aap logo ke sawaal padte rehte hai aur aane wale kisi lecture mein wo apki baat ka jawaab de denge. aajtak to koi bhi sawaal chhuta nahi hai. haan agar Wo uss mamle par nahi bolna chahte to alag baat hai.

Dusra tareeka hai call appointment; aap seedha call appointment book karke unse apna sawaal puchh sakte hai. apko jawaab milega.

 

MOM se Personally Milne ka kya Tareeka hai ?

Personal meeting do terha ki hoti hai. ek Amritsar mein jo aksar sasti hoti hai, Dusra tareeka hai MOM apke shahar mein aaye waha ke liye bhi personal meeting book hoti hai, wo amritsar ke mukable thodi mehngi hogi.. aabhi shayad personal meetings open nahi hai isliye website mein aisa option nahi hai. jaldi he personal meeting book karne ke liye bhi apko suvidha di jayegi.